 |
| إضافة شرح |
الشيطانه الصغيره
طول عمري بسمع ان فلانه ملبوسه او فلان وبيكون سنهم فوق ال18سنه لكن اسمع ان طفله في عمر التسع سنوات وملبوسه مقدرتش اصدق ابدا غير لما اشوف بعينيمن حوالي سنتين في يوم كنا بالليل بعد الساعه واحده لقينا صوت في الشارع عربيات شرطه وناس بتقول في ايه وايه صوت ضرب النار دا انا نزلت اشوف ايه حصل لقيت ثلاث اشخاص واقعين علي الارض قدام عماره وغرقنين في دمهم والبوليس عمل كردون وغطي الجثث انا كنت خايف لان العماره دي ساكن فيها ابن خالي ومراته وبنته وابنه لقيت البواب بينادي عليا
,,اللحق يا استاذ اسامه خالك ومراته وابنه هما دول اللي واقعين علي الارض ومش عارف ادخل الشقه اعرف فيه ايه
=انت بتقول ايه ازاي حصل دا
جريت علي فوق وقولت لضابط انا قريب صاحب الشقه دي يادوب دخلت الشقه لقيت الشقه متكسره كأن كان فيها حرب ودم علي الحوائط كنت مش مصدق اللي شايفه وسهام بنته الصغيره قاعده في ركن وعماله تعيط نديت عليها جات جري عليا وفضلت تعيط وتقولي ضربوا نفسهم بالنار ووقعوا من البلكونه الظابط قرب منها وقالها وانتي كنتي فين ردت عليه انا كنت مستخبيه ورا باب الصالون وشوفتهم كانوا بيزعقوا بس بكلام ماقدرتش افهمه وبابا ضرب اخويا وماما ووقعهم من البلكونه ووقف علي السور وضرب نفسه بالمسدس في بطنه ووقع هو كمان وانا خوفت وفضلت قاعده كده لحد ما عبده البواب طلع واتصل بيكم بصلي الظابط وقالي حضرتك بما انك من قرايب القتيل فياريت تحتفظ بالطفله وبكره هنستناكم في القسم نكمل المحضر وناخد اقوالها قولتله تمام حاضر وفعلا اخدتها وروحت وحكيت لامي اللي حصل لانها كانت نايمه وخلصت التحريات والدفن والموضوع اتقفل انه صابته حاله نفسيه هي السبب في اللي حصل وعدي شهر وبقت الحياه عاديه انا والدي متوفي من عشر سنين وليا اختي اكبر مني بسنه سهام بقت تنام مع ماما في الاوضه بعد اسبوع ماما بقت تقولي انا اوقات بخاف من نظره سهام وبالليل وهي نايمه بتفضل تقول كلام مش مفهوم لدرجه ان ملامحها بتتغير مش عارفه انا بيتهيألي ولا اللي بشوفه صح لحد امبارح بالليل لقيتها قامت من جانبي ووقفت في نص الاوضه ورفعت ايديها وقالي اللي طلبتوه اخدتوه نفذوا طلباتي وكونوا اعوان ليا ورجعت تاني نامت مكانها جانبي والاوضه حسيت ان درجه حرارتها بقت نار رغم اننا في شهر اغسطس فضل الاحساس دا لحد اذان الفجر وانا مش قادره اتحرك من مكاني كأني متسمره في السرير اول لما الفجر اذن قدرت اتحرك وقمت صليت ومش رضيت انام معاها ونمت في الصاله
رديت عليها معقول كل دا يحصل يا ماما ماهي قدامنا طول النهار ومافيش اي حاجه بتظهر زي ما انتي بتقولي حتي هي رجعت لطبيعتها وبقت تلعب وتاكل زي الاول بلاش يا امي يتهيألك حاجات من زعلك علي عماد وتقولي علي البنت الكلام دا
=يا ابني انا مش بخرف هو انا اتجننت انا هثبتلك كلامي
اليوم عدي عادي ونمنا وصحيت الصبح لقيت ماما جايه تقولي خد شوف
اديتني تليفونها ومصوره سهام وهي واقفه في نص الاوضه بتقول نفس الكلام اللي ماما قالته ليا قبل كده وفي ضوء احمد متوجه علي وجه سهام وظهره ملامحها نص وجهها مرعب جدا والنص التاني شبه طبيعي وكانت مغمضه عينيها وقربت علي السرير ونامت ولفت لماما وقالتلها مالك يا طنط نامي انتي لسه صاحيه وكان وجها طبيعي جداااا انا شوفت كده واستغربت جدا وقررت اخد الفيديو دا من ماما وانزل لشيخ حماد اللي ساكن معانا في البيت وواخليه يشوف اللي في الفيديو ويقولي اي اللي حصل دا بعد العصر نزلتله وشاف الفيديو وبقي يقول اعوذ بالله استغفر الله انتوا لسه عندكم البنت دي قولتله ايوه دا حصل امبارح بالليل وماما كانت عايزه تثبتلي كلامها عشان كده صورتها قالي النهارده بعد العشا هطلع عندكم وياريت ماتخليهاش تنام لو بتنام بدري خليها تستناني قولتله حاضر وطلعت قولت لماما واستنيت لبعد العشا ولقيت بيخبط روحت افتحله لقيت سهام اول لما بصت لشيخ حماد قالت انا يا طنط داخله انام قولتلها لاء لسه بدري تعالي خدي شكولاته قالتلي لااا شكرا رد الشيخ حماد طيب سلمي عليا الاول البنت قربت منه ببطئ شديد واول لما مسك ايديها بص في عينيها وقال بعض من الاسماء الحسني لقيت سهام بتصرخ ووقعت علي الارض مغمي عليها قال لماما خديها دخليها جوا تنام اليوم دا هتنام طبيعي مش هتعمل اي حاجه فعلا ماما شليتها ودخلتها جوا ورجعت قالت لشيخ في ايه انا قلقانه وخايفه قالها
بصراحه ليكي حق تخافي البنت ملبوسه وهي السبب في قتل ابوها واخوها ومامتها بمعني اصح قدمتهم قربان للشيطان البنت دي عملت حاجات بجهل بسبب انها قرأت تعاويذ من كتاب واقدرت في سنها دا تحضرهم ولبسوها وبقول يوجهوها تعمل حاجات لباباها ومامتها ويوم الجريمه هي كانت مش في طبيعتها وباباها لاحظ دا
قولتله انت قدرت تشوف ايه اللي حصل
قالي ايوه لما بصيت في عينيها عرفت كل حاجه
قولتله طيب احكيلي ايه حصل والكتاب دا لقيته فين
قالي الكتاب كان موجود عند جدها لما كانت هناك زياره اخدته وقرت فيه وحصل اللي حصل ويوم الجريمه هي بان عليها الشيطان وبقت قوتها مش طبيعيه وبدأت تكسر في الشقه لما باباها شاف كده خاف ومابقاش طبيعي جاب المسدس عشان يضربها المسدس لف في ايده واتجه ناحيه مامتها واخوها وقتلهم وبعدها قتل نفسه وسهام هي اللي شالتهم ورمتهم من البلكونه وبكده هي قدمت القربان للشيطان ودي كسبت حبهم ليها لانها قدمت ثلاث اشخاص مش شخص واحد وهي دلوقتي في اخر مرحله هتبقي مأذيه جداااا ولازم تخلصها من كل دا بس ياريت ماحدش يقولي لاء لانها لو استنينا ليوم اكتمال القمر هيبقي صعب اننا نعمل دا
رديت عليه شوف حضرتك عايز تعمل دا امتي واحنا تحت امرك
رد عليا ياريت بكره انا هجهز حاجاتي وهجيب معايا الشيخ حسان والشيخ محمود ونخلص بكره بأذن الله
اليوم دا ماجليش نوم لا انا ولا ماما والصبح صحيت سهام وبقت تضرب ماما وتقولها خليني اروح عند تيتا انا مش عايزه افضل هنا والغريبه ان تيتا ماتت من سنه مامت باباها ومامت مامتها مامت من خمس سنين كلامها كان غريب طول اليوم وفضلت قاعده وفجاه الساعه خمسه العصر قامت تصرخ وتكسر الاطباق والكبايات انا مسكتها ودخلتها علي سريري وربطها من ايديها ورجلها في السرير وبعت عنها وماما بقت تعيط ولقيتها شكلها اتغير زي ما ظهرت في الفيديو وقالتلي
انت بتحسب نفسك انك هتقدر عليا لا انت ولا شيوخك اللي هيجوا هيعملوا معايا كده انا هموتهوملك هنا وماحدش هيقدر يقف قدامي غير انك انت وامك دي هتتحبسوا بسبب موتهم بابا بتقرب منها وبتحط ايديها عليها لقيت ماما بتصرخ من ايديها ببص فيها لقيت صوابعها اتحرقت بالكامل جريت بيها علي المستشفي ومش رضيت ارجعها البيت روحت علي خالتي عفاف وخليتها تفضل هناك مع اختي هدي اه نسيت اقولكم ان اختي طول فتره الاجازه بتقعد مع خالتي لان خالتي عايشه لوحدها بعد وفاه جوزها وماخلفتش وهي ست كبيره فاختي بتسعدها بعد محايله واقناع وافقت وانا رجعت علي البيت كان الوقت بقي 9 بالليل لقيت الشيخ حماد مستنيني في شقته وفاتح الباب عشان يشوفتي وانا طالع بعد ما رن عليا وعرف اللي حصل اتأسفتله علي التأخير وطلعنا وكانت ليله عمري ما هنساها دخلنا لقيتها زي ماهي مربوطه في السرير وبتعيط وملامحها كلها طفوليه بجد انا حسيت اني ظلمتها ولسه هقرب عشان افوكها لقيت الشيخ بيقولي انت ايه هي قدرت تسيطر عليا لو مش قدرت تسيطر علي نفسك ومن كلامها هخرجك بره الاوضه قولتله حاضر خلاص وبدا يقرا قرءان وسهام تصرخ وتتحرك بطريقه مرعبه علي السرير شعرها كان بيتحول للحظات كأنك شايف شلال نار وشويه لتعابين وشويه يبقي لونه ابيض جداااا الشيخ حسان قالي دي عليها اقوي انواع الشياطين دي مش ملبوسه دول خدامها هي اللي بتأمرهم خد يا اسامه حط الشريطه الخضرا دي علي ايديها وحاول مش تلمسها من بعيد لبعيد انا يادوب بقرب منها ولبستهالها براحه لقيتها بصتلي وفجاه لقيتني بتخبط في الدولاب الشيخ حامد والشيخ محمود كانوا مستمرين في القراءه ورش ماء علي سهام وفي لحظه لقيت الشيخ محمود بيلف وبيطلع موس من تحت المخده ولسه هيقطع شرايين ايده لحقناه علي اخر لحظه ووقفنا كل حاجه وخرجنا بره الاوضه وشويه ورجعنا لقيت السرير طاير في الاوضه ولف جامد حوالين نفسه وسهام فوقه ووقع علي الارض وايديها ورجلها اتفكت لقيت الشيخ حماد بيقول ايه قرءانيه ورمي عليها ماء مقري عليه لقيت سهام وقعت في الارض واختفت ملامحها المرعبه وحط ايده علي دماغها وبقي يقول ادعيه وقسم وتعهد علي الشيطان بعدم الاقتراب منها تاني وهي لقينا دخان اسود بقي يتكون في ركن الاوضه ويختفي فضل يظهر ويختفي اربع مرات وبعدها قامت سهام طبيعيه جدا وحضنت الشيخ حماد وقالتله انت طيب اوي ياعمو شكرا ليك وخرجت علي الصاله ونامت علي الكنبه والشيخ قالي كده الموضوع خلص الحمدلله بس كل يوم لازم تفتح الرقيه الشرعيه بعد العصر وتفتح بخور وان شاء الله مافيش اي حاجه هتقرب منها ولا منكم تاني .....
حبيييت جميله جداً 💜🔥
ردحذف