 |
| إضافة شرح |
الراس المقطوع
(رعب معسكر)
الجزء الأول
.........
انا سمير عندي ٢٠ سنه لسه متجوزتش ابويا مات من بدري مشفتوش حتى كان نفسى اشوفه بقيت انا اللي شايل مسؤوليه اخواتي بنات
وكنت من وانا في اعدادي بفكر في حاجه فيها مستقبل عشان اعرف اصرف على عيلتي لحد ماربنا كارمني ودخلت معهد شرطة، كل واحد بيحلم بالشغلانه دي، طولت عليكوا جامد اوي نخش في موضوع علطول،الشهر اللي فات يوم ١٧ /٦
جالنا صف ظابط في معهد وبلغنا ان في أوامر اللي احنا هنروح معسكر تدريب شهر ونرجع
، مش هخبي عليكوا كنت قلقان اوي وخايف منه عشان كانت أول مره ليا
وعيلتي كانت زعلانه مني مع اني غصب عنى بس هعمل ايه مش بأيدي دي أوامر.
المهم كان في دفعه راجعه من معسكر قبلينا سألت واحد فيهم كان صاحبي اوي اسمه خالد
قولتله :اي اخبار ايه اللي حصل هناك معاك؟
خالد :المعسكر تعب شويه بس هترتاح يعني متخفش، بس في حاجه تانيه في معسكر ده بالذات عنبر اللي احنا فيه.
انا :حاجة ايه مش فاهم؟
خالد :لما تروح هتبقا تعرف مش لازم تعرفها دلوقتي.
انا طبعا بعادتي فضوليه عايز اعرف في ايه حصل ايه وحاجة غريبه دي ايه.
سالتوا بمسكنه شويه :خلود انت صديقي صدوق وهتقولي كل حاجه؟
خالد : برضوا مش هقولك ابقى احكيلي لما ترجع،بس خلي بالك اوعي تصحي في العنبر بتاع معسكر بليل
انا:ليه في أية بليل؟
خالد:هتروح وهتعرف كل جاجه همشي انا بقا
.....
خالد مشي وسبني في حاله خوف وتوتر واشتياق لمعرفه اللي هناك في العنبر
.....
يوم ١٨ /٦
اليوم اللي كله خايف منه يوم اللي هنروح في معسكر التدريب طبعا الخوف اللي كان فينا ساعتها كان سبب مجهول مكناس عارفين خايفين ليه!
يمكن عشان معامله الظباط القاسيه
ولا علشان دي حاجه جديده علينا.
ولا عشان ممكن الاكل ميبقاش حلو
ولا عشان تمرينات.
ولا علشان هنبعد عن أهلنا
......
كل واحد كان بيفكر في حاجه وخايف منها بس انا الوحيد اللي مكنتش خايف من كل ده كنت خايف من حاجه واحده.
كلام خالد ليا اللي قالهولي
.....
ابتدينا نتحرك بالاتوبيس اللي كان متجهة بينا الي معسكر
.....
ومن ساعتها بدأت حكايتي مع رعب المعسكر
....
بدا الاتوبيس يقف واحده واحده امام بوابه معسكر وانا قلبي عمال يدق اكتر واكتر ونفسي سريع جدا
لحد ماوقف الاتوبيس كنا نازلين واحد واحد من الاتوبيس كل واحد بشنطته المليانه بحاجات شخصيه ولبس
دخلنا طابور واحد من بوابة المعسكر طبعا مينفعش احكيلكوا المعسكر عامل ازاي عشان تعتبر منشأة عسكريه فأنا هكتفي اني احكيلكوا
المبني اللي هنام فيه بس أو اللي هنبقى قاعدين فيها
بس ماروحنا للمبنى اتفتشنا الأول وفضلنا واقفين شويه لحد مطلعونا المبنى
المبنى وانا داخله كان عبارة عن مبني كبير شويه اربع طوابق وكان شكله من برة قديم شويه وشبابيك مليانه تراب
طلعت على السلم اللي بيدخلني للمبنى كان من جوه احلى من بره بكتير كان على الشمال في غرفتين وع اليمين كان في سلم ودوره مياه وكانت رائعه جدا وشكلها ممتاز مشوفتش دورة مياه كده في حياتي
وبعدين طلعنا السلم اللي على اليمين علشان اطلع العنبر بتاعي كان في الطابق الثاني من المبنى
بصيت كده على عنبر من برة بعد ماطلعت السلم كانت البيبان بتاعته قديمه اوى دخلت جوه كان عباره عن سراير كتير وكانت السراير بدورين وكل سرير جنبه دولابه
......
كل واحد طلع شنطته وطلعنا هدومنا وفرشنا سرير ونظفنا عنبر
....
وبعدين دخل علينا امين وجمعنا عشان طابور
....
وبعد يوم شاق من العمل والطوابير والتمارين الرياضيه
.....
جه وقت نوم كان الساعه ١٠ م لازم كله ينام محدش يبقا صاحي المعسكر بليل شكله مخيف اوي
وعنبر كله طلع على سريره عشان ينام وبعدين انطفى نور العنبر وبقا فيه نور بيسط من القمر
والعنبر كان شكله مرعب اوي بليل
.....
وانا نايم ع سرير وكله نايم حوليا انا كنت صاحي عشان عايز اعرف كلام خالد فاكرينوا
لما قالي
خالد: برضوا مش هقولك ابقى احكيلي لما ترجع،بس خلي بالك اوعي تصحي في العنبر بتاع معسكر بليل
....
والجملة دي ابتدت تتكرر في دماغي
'' اوعي تصحي في معسكر بليل''
معرفتش انام من الجمله دي وبقيت اتلفت حوليا خايف دقات قلب متسرعه توتر خوف
......
فضلت سهران لحد ماسمعت صوت تكتكه
تك تك تك تك
صوت ده رن في ودني بليل جامد معرفش كان صوت اي قومت بسرعه من سرير كنت في سرير اللي فوق نزلت من ع سرير
كان باب عنبر مراوب فتحته وخرجت قعدت ابص على مصدر صوت مفيش حاجه الدنيا هدوء تماما
فيه صوت هوا ممزوج بصوت صراصير
وبعدين فجأه
تك تك تك
الصوت رجع تاني
حددت مصدره المرادي كان جاي من دوره المياه
دخلت لقيت في حنفيه مفتوحه وبتقنط
وصوت خارج
تك تك تك تك
قفلتها روحت خارج من الدورة مياه
واول ماخرجت لقيت صوت
تششششششش
لفيت دماغي بسرعه لقيت نفس حنفيه مفتوحه على الآخر ومياه نزله منها علي حوض
دخلت وانا خايف دقات قلب متسارعه
ببص يمين وشمال نفسي سريع اوي رجلي مش شايلني
دخلت قفلت الحنفيه
وببص في المرايه
وهنا كانت أول موقف يحصلي في رعب في المعسكر
....
دخلت قفلت الحنفيه
وببص في المرايه
وهنا كانت أول موقف يحصلي في رعب في المعسكر
...
ببص في مرايه لقيت ورايا كان في باب حمامات للدش والاستحمام باب حمام كان مقفول لقيته بيتفتح واحده واحده مع صوت تزييق لباب رخم اوي انا متابع موقف برعب وجسمي مشلول مكانه وكنت حاطت في دماغي انه هوا
وبعدين لقيت باب اتفتح بسرعه اترزع في الحيطه جامد اوي والدش اتفتح في ساعتها وكانت مياه نازله منه سخنه اوي بس مش دي مشكله......
المشكله ان الدش كأن حد مسكه وبيوجهه عليا وفعلا الدش اتحرك ناحيتي وحرق رجلي جريت بسرعه ع العنبر بتاعي وسمعت صوت رزع الباب تاني وانا كنت بجري موقفتش دخلت عنبري بسرعه وطلعت ع سرير في أقل من دقيقه وغطيت وشي وقعدت اقول
أعوذ بالله من شيطان رجيم
أعوذ بالله من شيطان رجيم
أعوذ بالله من شيطان رجيم
.....
غمضت عيني غصب عني عشان مش عايز اشوف حاجه وحطيت مخده علي ودني عشان مسمعش حاجه
.....
اصحي العنبر...... اصحي العنبر...
اصحي العنبر........ اصحي العنبر....
الصوت ده كان صوت امين شرطه في معسكر وده كان الصوت اللي صحيت عليه من اللي ليله بتاعت امبارح.....
....
قومت من ع سرير نايم في دور التاني من السرير، نزلت من علية فتحت دولابي طلعت فوطتي وحاجتي عشان انزل اغسل وشي عشان البس واجمع للطابور
.....
الجو كان حوليا اللي صاحي قرفان واللي مضايق واللي كان بيلبس واللي كان بيهزر
بس وانا خارج من العنبر لقيت اتنين اصحابي بيتكلموا مع بعض بس كلامهم خلاني وقفت اسمعهم
.....
ياحمد انا بقسملك بالله ان ده حصل انا شوفته بعنيا امبارح كان عمال يلف في العنبر
......
ودي كانت جمله قالها عماد صاحبي في دفعه
وانا شددتني الجمله اوي وعايز اعرف هو ايه اللي بيلف
......
تدخلت في حوار وقاطعت كلامه
_هو ايه ده اللي بيلف ياعماد؟
عماد:كويس انا جيب ياسمير هحكيلك انا امبارح لما كنت نايم حسيت بأصوات عريبه بتحصل في عنبر مزيج من صوت قطط وصوت بنت بتصوت
_ونبي هو في هنا اصلا بنات احنا كل المعسكر رجاله
عماد :مهو اللي استغربته معرفش صوت الصريخ ده جه منين اتفزعت من نوم وقعدت ع سرير مانت عارف اني نايم ع سرير اللى فوق زيك، قعدت رجلي كانت مدلدله من ع سرير وكان احمد نايم في السرير اللي تحت
المهم بصيت كان كله نايم
وكان عنبر مخيف اوي بليل
_انت هتقولي منا شوفته امبارح
عماد :انت حصلك حاجه ولا ايه
_لاء لا مفيش كمل انت بس.
عماد :المهم لقيت فجأه المروحه اللي كانت فوقيه بتجيب هوا شديد اوي وبعدين لقيت مرواح كلها كده هوا شديد مع اهتزاز خفيف للمروحه وبعدين سمعت صوت رجلين ماشيه علي الارض
بتتمشي في عنبر افتكرت حد رايح حمام او حاجه
وفجأه اعصاب جسمي كلها سابت قلبي بقا يدق جامد اوي وشي بقا مخطوف لدرجه اني كان هيغم عليا بس مسكت نفسي
_في ايه شوفت اية خلاك كده انا طول عمري اعرف انك جامد
عماد :طلع مش واحد صاحبنا داخل حمام
انا شوفت راجل ماشي في عنبر بهدوء
_ هو ده اللي عمل فيك كده خايف من راجل ماشي
عماد :طب لو قولتلك ان راجل ده كان وشايل راسه علي ايده شمال وراسه كانت بتنزل دم.
_انت قصدك ايه؟
عماد:ايوه هو ده قصدي راجل كان من رأس
راسه كان شايلها
كان ماشي في عنبر وبعدين جه جنب سرير وبصلي براسه اللي في ايديه انا اترعبت ازاي راس مقطوعه ويتحرك عينها وازاي هو بيتحرك اصلا
دة اكيد شبح او جن او عفريت.
وبعدين خرج من باب عنبر انا مش عارف انا نزلت ليه من ع سرير بس لقيت نفسي بنزل ورايح وراه خرجت من عنبر قعدت ابص ملقتش حد كأنه اختفى بس انا نزلت وراه علطول
احمد :ونبي انت مصدق كلام ده ياسمير عماد ده بيحب يرعبني كده علطول
_ انا مصدقه عشان انا حصلت معايا برضوا حاجه غريبه بس مش هينفع احكيها دلوقتي عشان ميعاد طابور منتاخرش
....
وده كان حوار اللي دار بيني وبين عماد واحمد
وطبعا شوفته اللي حصل لعماد كان غريب اوي ويمكن أغرب من حصلي
......
سيبت عماد واحمد وكملت اللي كنت رايح اعمله خرجت من عنبر نزلت غسلت وشي وغسلت سناني وظبطت نفسي علي الاخر مكنتش اعرف اللي هيطلع عيني في طابور
طلعت عنبر لبست لبس المعسكر بدله لونها رمادي وكاب وبياده
اتجمعنا كلنا للطابور لتحيه العلم وبعدها طلع عيني في بعض تمارين خلصت من طابور الساعه ٩ وربع صباحا
قعدنا ساعه في طابور
وفي طابور تاني بعديه بساعه ودلوقتي هناخد راحه
.....
كلنا طلعنا من طابور عرقانين وتعبانين جدا من التمرينات دخلت حمام اغسل وشي من العرق وبعدين طلعت عنبر
اصحابي كلهم اتقتلوا علي سراير وده من شده التعب وانا طبعا اترميت ع سرير
.....
وانا نايم ع سرير في وقت راحه حسيت بصوت دب في دماغي
دماغي كانت مصدعه اصلا من شمس وصوت دب تاني في دماغي
قومت قعدت ع سرير وركزت شويه بس لاحظت ساعتها ان صوت دب مش في دماغي الصوت كان طالع من دولاب
ايوه دولاب بتاعي طالع منه صوت دب حد بيخبط من جوه الدولاب وانا قافل دولاب بالقفل
نزلت من ع سرير فتحت القفل براحه صوت الدب وقف روحت قافل القفل تاني
ولسه هطلع هنام تاني لقيت دولاب بيتهز جامد وصوت دب زاد
فتحت القفل بسرعه وبفتح دولاب ببطئ الخبط والدب وقف
فتحت الدولاب لقيت..........
يتبع
ليست هناك تعليقات:
إرسال تعليق