معلومات عن كتاب العزيف "الكتاب صاحب اللالف اسم"
العزيف
العزيف
"الكتاب صاحب اللالف اسم"
لو فاكر ان شمس المعارف اقوي كتاب سجر او اقدم كتاب سحر او اقتنعت انو مش كتاب سحر من البوست اللي فات ف استعد لاني اصدمك في العزيف كمان
خلونا نبدا مع تاريخو وازاي وصل لانو يكون العزيف
نرجع لمصرالقديمة مهد السحر و واحدة من اقدم الحضارات اللي اتكلمت عن الكيانات القديمة وقوتها وقال البعض ان الهتهم كانت من نفس النسل دا
الكتاب وقتها كان معروف باسم "كتاب الموتي" ومع مرور الزمن اترجم للاغريقية علي ايد "ثيودور فيليتاس" وخد اسم مشهور جدا "نيكروميكون"
لكن مع سيطرة وقوة الكنيسة قدر البطريك "مايكل الاول" انو يحرق معظم نسخ الكتاب ويحظر نشرو وقرايتو وفضل الوضع كدا لحد ما وقعت نسخة ف ايد الراهب "فيرمياس"-اتقال انها كانت من مكتبة الفاتيكان نفسو-واللي ترجمها للاتينية-لغة العلم ف الوقت دا-وبعدها اتهموه بالهرطقة واتعدم
لكن كان الكتاب اتنشر وبقا اصحابو اسمهم "نيكرومانسر"
ووصل الكتاب لتلات اشخاص
الاول هو "يعقوب اليتزا"واللي ترجمو للعبرانية وسماه "سفر هشاري حاداث" او بوابة المعرفة
الثاني هو شخصية مريبة اسمها عبدالله الحظرد
ليه مريبة وازاي
اولا متذكرش الا من شخصين
الاول هو ابن خلكتن واللي قال انو كان مترجم ودليل وعلامة سافر لمصر وزار خرائب بابل وعاش مع الصرب واختلي بنفسو 10 سنين ف صحراء الربع الخالي اللي اتواصل فيها مع كيانات قديمة اتعلم منها كتير ورجع لدمشق عشان يكتب كتابو " العزيف" واللي يعتبرو ناس كتير ترجمة حرفية لنيكروميكون وف النهاية يختفي الحظرد بدون اي اثر مع اشاعة بانو اتاكل من وحش ضخم ودا اللي ذكرو الشخص التاني
وهو كاتب الرعب العظيم "لافكرافت" واللي كتب انو مات بسبب نشرو العلم دا وخيانة القدماء
ف اجنا هنا مابين اننا نصدق وجودو او نكذبو
بس في شخص صدق وجودو وهنتكلم عنو بعد شوية
تالت شحص وصلو كتاب نيكروميكون كان الساحر المشهور "دي"
واللي ترجمو للانجليزية في كتابو اللي مش كتير يعرفوه رغم شهرته وهو "اينوخ" واللي بدورو وقع ف ايد اشهر ساحر ف القرن العشرين واخبث رجل فالعالم صاحب كتاب القانون-ومثل اعلي-
"اليستر كراولي"
كراولي قراه وقرا العزيف وصدق قصة الحظرد وبدا يتبع خطاه لدرجة انو ادالو الالهام لانو يكتب كتابو "القانون" من كتاب "اينوخ"
اما بقا عن الكتاب نفسو ف هو اقرب لكتاب تاريخ بيتكلم عن حضارات و خلق قبل البشر والجن بكتير
طااب ايه سبب شهرتو خصوصا ككتاب سحر؟؟؟
3اسباب رئيسية
الاول
اتذكر ف الكتاب ان في نسلين ع الارض
واحد نتج من جواز 20 ملاك من البشر واللي انتج نسل قوي ولكنو افسد ف الارض ف ارسل عليهم الاله الطوفان ينهيهم
التاني من 13 كيان شيطاني عايشين ع الارض لحد النهاردة ونسلهم موجود حوالينا
السبب التاني
ان اتذكر ف الكتاب طرق التواصل ولغة الكيانات دي تجت مسمي اكتساب علوم وقوة قديمة
السبب الاخير هو النيكرومانسر
السحر القديم المرعب ف استنطاق جثث الموتي عن طريق اكلهم او اجزاء منهم واللي خلي كتاب نيكروميكون يتربع علي عرش الرعب
و....بس كدا
ليست هناك تعليقات:
إرسال تعليق